வா..மகளே..வா!

 வாழ்த்துக்கள் பெண்ணே!

ஐயெட்டு ஆண்டுகளுக்கு முன்

அழுகையோடு அழகாக அகிலம் வந்து உதித்த ஆசை மகளே!

பெண் வேண்டும் என்று ஆசைப்பட்ட உன் அப்பாவின் செல்லமாகப் பிறந்த

எங்கள் செல்வ மகளே! 

நீ தத்தி நடக்கும்போதும் மழலை மொழி மிழற்றும் போதும் கண்கள் விரிய பேசும்போதும் கோபித்தால் விசிக்கும் போதும் எங்கள் வீட்டு தேவதையானாய்! 

அப்பாவின் செல்ல மகள்! அண்ணன் தம்பிகளின் அருமை சகோதரி! அவ்வப்போது அழகாய் அறிவுரைக்கும் என் அருமைத் தோழி மட்டுமல்ல.. என் அன்புத் தாயாகவும்

தோற்றமளிக்கிறாய்!

நீ மருத்துவரானபோது

மனமகிழ்ச்சியில் வானத்தில் 

பறந்தேன் நான்!

காதலித்தவனைக் கைப்பிடித்து

காலம் முழுதும் அவனுடன் வாழ காவியமாய் நீ 

புறப்பட்டபோது

கண்கலங்கியது நீ மட்டுமல்ல..

நாங்களும்! 

குழந்தைகள் உனக்குப் பிறந்தாலும் குறையாத பாசமும் நிறைவான நேசமும் என்றைக்கும் காட்டும் அன்புமகள் நீ! 

இன்று பிறந்தநாள் காணும் என் ஆசை மகளே! உனக்கு எங்கள் மனமார்ந்த நல்லாசிகள்!

இன்று போல் என்றும் சீரோடும் சிறப்போடும் வாழ இறையருளை வேண்டுகிறேன்!

நீ வருகிறாய் எனும்போதே நான் ஆனந்தத்தில் ஆவலாய்க் காத்திருக்கிறேன்...

உன்னைக் காணவும் உரையாடி மகிழவும்! வாழ்த்துக்கள் பல!

வா..மகளே..வா!

என் வீடு

 

என் 🏡

என் வீடு எப்படி இருக்க வேண்டும் என்ற கனவு உண்டு... 

அழகான திண்ணை அணிவகுத்து நிற்கும் தூண்கள்..

கால் வீசி நடக்க விசாலமான 

அறைகள்..

விதவிதமாய் சமைக்க விருப்பமான

சமையலறை..

தெய்விகம் நிறைந்த மனதை ஒருமுகப் படுத்தும் சுவாமி அறை..

வீட்டைச் சுற்றிலும் அழகிய பசுமைத்

தோட்டம்..

அக்கம் பக்கம் இரண்டிரண்டு தென்னை மரங்கள்..

அங்கங்கே அழகிய பூக்களைத் தரும்

மலர் மரங்கள்..

இரவில் நிலவை ரசித்து மகிழ மேன் மாடமுள்ள மாடி.. 

கண்ணுக்கெட்டும் தூரத்தில் காவேரித்

தாயின் சலசல சத்தம்..

ஆடும் மயிலும் கூவும் குயிலும் அருகருகே நடந்துவர..

காணி நிலம் வேண்டுமென்று பாரதி போல் கேட்டேன்..

இயற்கையை நேசித்து இனிய தென்றலை சுவாசித்து.. 

இனிவரும் நாட்களை இனிதே கழிக்க

இறைவனின் பரிசோ இவ்வழகிய வீடு!

நினைவுகள்

 நினைவுகள் மறக்க முடியாதவை.. ஆம்.. ஐந்து வயதிலிருந்தே நாம் செய்து வரும் செயல்கள் விளையாட்டு கோபத்தை உண்டாக்கும் சண்டைகள் நம் மனதில் இருந்து என்றும் மறையாது. சிறு வயதில் என் அம்மா மிகவும் கண்டிப்புடன் நடந்து கொள்வார். காலையில் எழுந்ததும், வீட்டு வாசலில் போடுவது, மிகவும் நேர்த்தியாக உடை அணிவது, வீட்டைச் சுத்தம் செய்வது, பாத்திரம் கழுவுவது, வீட்டு வேலைகளைச் செய்வது என்று சரியாகச் செய்ய வேண்டும்.இல்லையென்றால் மீண்டும் செய்யச் சொல்வாள். அந்த பயத்தில் நான் அதை சரியாக செய்வேன். மடிப்பு துணிகளையும் நேர்த்தியாக செய்ய வேண்டும். அதனால்தான் இன்றும் நான் வேலை செய்யும் போது என் அம்மாவை நினைத்துப் பார்க்கிறேன்.

Memories are unforgettable..yes..as actions we have been doing since we were five years old sports angers fights which will never fade from our minds.
At a young age my mom would behave very strictly. Getting up in the morning, putting on the doorstep, dressing very neatly, cleaning the house, washing the dishes and doing household chores should be done properly.If not she will tell me to do it again. In that fear I would do exactly that. Folding clothes should also be done neatly. That’s why I still remember my mom when I work today.

என் அம்மா மிக அழகாக இருப்பார். நன்றாக பாடுவார்..கோலம் போடுவார். சமையல் செய்வார். ஓவியம் வரைவார். எப்பவும் பளிச்சென்று திருத்தமான அலங்காரத்துடன் இருப்பார்.அம்மாவைப் பார்த்து வளர்ந்ததால் நானும் அதே போல் இருக்க முயற்சித்தாலும் பல நேரங்கள் அம்மா போன்று சரியாக கடைப்பிடிக்க முடிவதில்லை.

My mom would be so cute. She sings well. cooks well. Draw rangolis and drawings very beautifu. She will always be bright and with the right outfit. Growing up looking at my mother I tried to be the same but many times I could not adhere exactly like my mother. Because I'm little bit lazy.

என் அம்மா தன் கொள்ளு பேரன் பேத்திகளைப் பார்க்க மிக ஆசையுடன் இருந்தார். துரதிர்ஷ்டவசமாக நீங்களெல்லாம் பிறக்குமுன்பே இறந்து விட்டார். என் அம்மா பற்றி உன் அம்மாவுக்கு தெரியும். என்னுடைய நினைவுகள் இன்னும் நிறைய...அவற்றை பல சமயங்களில் கட்டுரைகளாக நிறைய எழுதியிருக்கிறேன். நீயும் என்னைப் போல எழுத்தாளராக வாழ்த்துக்கள் ஸாய்லி😍

My mother was very eager to see her great-grandchildren. Unfortunately she died before you could all be born. Your mom knows about my mom. My memories are many more ... I have written them a lot of times as articles. Congratulations Sailee for being a writer like me😍