அன்புள்ள மாமாவுக்கு அஞ்சலி..
'தாய்' மாமன் என்றும், 'அம்மா'ன் என்றும் என்னை ஈன்ற என்
அன்னையை நினைவூட்டும் அன்பு மாமா நீவிர்  வாழ்க!
அன்புக்கு மறுபெயர் நீங்கள்.
ஆதரவு தந்து அணைக்கும் உங்கள் அன்புக்கு அணையும், இணையும் ஏது!
இளகிய இதயம் கொண்ட தாங்கள்
ஈசன் வசம் பாசம் கொண்டீரோ?
உயிரான துணைவியை உத்தமமான பிள்ளைகளை
உடன் பிறந்தோரை உற்றாரை நட்பை
ஊதித் தள்ளிவிட்டு உற்சாகமாய்
எங்கே சென்றீர்கள் மாமா? நாங்கள் அனைவரும்
ஏக்கத்துடன் ஏங்கி அழுவது உங்களுக்கு தெரியவில்லையா?
ஐயப்பன் உங்களை தன்னுடன் இணைத்துக் கொண்டு
ஒவ்வொரு நாளும் உங்களின்
ஓங்கி எழும் சரணம் பாடிக் கேட்க
ஆசை கொண்டாரோ?
காற்றில் கலந்தீரோ?
விண்ணில் மறைந்தீரோ?
நிறைந்த வாழ்த்துக்களை
தங்களிடம் என்றும் வேண்டி நிற்கும் இந்த சின்னவளின்
சிரம் தாழ்ந்த நமஸ்காரங்கள்
எம் மனங்களில் என்றும் விண் மீனாய்
விலகாத அன்பு மாமனாய் என்றும் வாழ்வீர்.
வாழ்க நீ அம்மான்!